Mae cynaliadwyedd yn llywio popeth a wnawn
Rydym yn gweithredu model busnes nodedig sy’n cyfuno cynaliadwyedd economaidd â chynhyrchu gwerth cymdeithasol ac amgylcheddol, ac rydym yn ymdrechu’n barhaus i gael ffyrdd arloesol o ddarparu ein gwasanaethau.
Rydym yn gweld ein hunain yn allweddol i alluogi nid yn unig ein nodau ein hunain ond hefyd nodau ein rhanddeiliaid.
Gyda busnes sy’n seiliedig ar ein hegwyddorion diwydiannol, moesegol a chymdeithasol cadarn a thryloyw, rydym yn gwneud cyfraniad diriaethol at ddatblygu cynaliadwy byd-eang a lleol a amlinellir yn ein Hadroddiad Cynaliadwyedd 2023.
Budd net i fioamrywiaeth
Mae’r datblygiad yn cynnig cyfle i gadw’r tir yn rhydd rhag plaladdwyr a chemegolion – gan alluogi rhywogaethau i ffynnu a gwella ansawdd y pridd.
O gymharu ag arferion ffermio dwys, mae fferm solar yn dod â buddion amlswyddogaethol cynhyrchu ynni yn gyfochrog â budd amgylcheddol net ar gyfer cynefinoedd a rhywogaethau.
Gyda gwaith plannu newydd sylweddol a chysylltedd ecolegol, byddai’r prosiect yn sicrhau budd net i fioamrywiaeth trwy:
- Gwella coridorau cynefinoedd
- Mwy o gyfleoedd chwilota
- Annog peillwyr
Manteision y prosiect
Ymrwymiad Nadara yw darparu gwerth ychwanegol yn y cymunedau lle mae’n gosod ei brosiectau trwy weithredu rhaglenni sy’n canolbwyntio ar ddatblygu cynaliadwy lleol, trwy amrywiol fesurau economaidd, cymdeithasol, diwylliannol, hyfforddi ac amgylcheddol.
Mae manteision ehangach y cynigion fel a ganlyn:
Targedau lleol
Cynorthwyo Cyngor Bwrdeistref Sirol Rhondda Cynon Taf (CBRhCT) i leihau allyriadau nwyon tŷ gwydr yn unol â thargedau lleol, cenedlaethol a rhyngwladol a’r Argyfwng Hinsawdd sydd wedi’i ddatgan.
Targedau’r DU
Gwneud cyfraniad pwysig at gyflawni targedau sero net cenedlaethol sy’n gyfreithiol rwymol erbyn 2050.
Diogelu ffynonellau ynni
Cyfrannu tuag at ddiogelu’r cyflenwad ynni yn RhCT a Chymru drwy ddarparu cyflenwad ynni adnewyddadwy cost isel a gynhyrchir yn lleol.
Buddion i ffermwyr
Er ei bod yn debygol y bydd rhywfaint o bori defaid yn parhau ar y tir, mae’r prosiect ehangach yn rhoi cyfle i ffermwyr lleol arall gyfeirio eu gweithrediadau a sicrhau hyfywedd hirdymor eu fferm.
Cronfa Budd Cymunedol
Rydym yn cefnogi’r cymunedau lleol o amgylch ein prosiectau solar a’n nod yw creu effaith gadarnhaol ar gymdeithas a’r amgylchedd sy’n mynd y tu hwnt i gynhyrchu ynni adnewyddadwy.
Rydym yn croesawu eich syniadau ar sut y gallwn ni gyflawni ar gyfer y gymuned.
Yn ein prosiectau rydym yn gwahodd y gymuned leol i’n helpu i lunio pecyn budd cymunedol sy’n bodloni anghenion a dymuniadau lleol orau.
Os bydd y prosiect hwn yn cael caniatâd, byddwn yn gweithio gyda rhanddeiliaid lleol i sefydlu cronfa gymunedol o hyd at £581,000 dros oes y prosiect.
Hyd yma, rydym wedi darparu £1.37M drwy gynlluniau budd cymunedol yn y DU, Sweden, Norwy, Ffrainc a Sbaen, gan gefnogi dros 40 o gymunedau.
Os oes gennych chi syniad am gynllun neu brosiect cymunedol cynaliadwy, rhowch wybod i ni drwy gysylltu â ni.
Rhanberchenogaeth
Cyfleoedd posibl ar gyfer rhanberchnogaeth, gan sicrhau bod y cymunedau sy’n cynnal y prosiect yn parhau i elwa o gynhyrchu ynni lleol.
Cyflenwyr Lleol
Mae’r perthnasoedd a feithrinwn â chyflenwyr lleol yn helpu ein prosiectau i ddod yn llwyddiannus ac yn darparu buddion economaidd gwerthfawr trwy fewnfuddsoddi. Mae hyn yn sicrhau, lle bo modd, bod pobl leol yn cael eu cyflogi yn ystod cyfnodau adeiladu a gweithredu’r prosiect.
Os ydych yn gyflenwr lleol a bod gennych ddiddordeb mewn cymryd rhan yn y prosiect, cysylltwch â ni.