Fferm Solar Glyn Taf

Dywedwch wrth Penderfyniadau Cynllunio ac Amgylchedd Cymru eich bod yn cefnogi’r cynlluniau drwy lenwi’ch neges eich hun yn y ffurflen gyswllt gyferbyn.

Gallwch nodi unrhyw reswm dros gefnogi o’ch dewis, ond rydyn ni’n falch o’n cynlluniau oherwydd eu bod yn cynnwys:

• Fferm solar 39.9MW i gefnogi ein dyfodol gwyrdd. Bydd Fferm Solar Glyn Taf yn cynhyrchu trydan glân, adnewyddadwy ar gyfer 12,000 o gartrefi. Bydd hyn yn cefnogi addewid brys ehangach Rhondda Cynon Taf a Chymru i gyrraedd sero net.
• Cynefinoedd newydd ar gyfer bywyd gwyllt lleol. Fel rhan o’r cynlluniau ar gyfer Fferm Solar Glyn Taf, byddwn yn plannu dros 57.44 hectar o gynefinoedd glaswelltir o flodau gwyllt, gan greu cartrefi newydd ar gyfer infertebratau, gwenyn a gloÿnnod byw yn yr ardal leol.
• Bron i 6km o wrychoedd newydd a chyfoethocach i ddarparu bwyd a lloches i adar a mamaliaid lleol.
• Buddsoddiad sylweddol yn y gymuned leol gyda chronfa budd cymunedol sy’n werth mwy na hanner miliwn o bunnoedd.
• Cefnogaeth i fusnesau lleol gyda swyddi newydd wedi’u creu ar gyfer adeiladu a gweithredu, buddsoddiad mewn cadwyni cyflenwi lleol a phori defaid yn parhau ar y safle unwaith y bydd y fferm solar ar waith, gan sicrhau bod y safle yn parhau i fod yn broffidiol i ffermwyr lleol.

[Bydd Penderfyniadau Cynllunio ac Amgylchedd Cymru yn cael copi o’ch sylw a’ch manylion, a byddant yn defnyddio’r rhain yn unol â’u Telerau ac Amodau. Bydd eich neges yn cael ei chyhoeddi ar-lein. Bydd y wybodaeth a ddarperir gennych hefyd yn cael ei chadw gan Quatro Public Relations ar ran Nadara. Trwy gyflwyno’r ffurflen gyferbyn, rydych chi’n cytuno y gallwn gysylltu â chi ynglŷn â’ch cyflwyniad. Fodd bynnag, dim ond mewn perthynas â’r cynigion ar gyfer Fferm Solar Glyn Taf y byddwn yn gwneud hynny].